ఎల్‌నినోను ఎదుర్కొనేందుకు విద్యుత్‌ శాఖ సన్నద్ధం
హనుమకొండ, నిత్యం నిఘా:
పెరిగిన డిమాండ్‌కు అనుగుణంగా ట్రాన్స్‌ఫార్మర్లు, విద్యుత్‌ లైన్ల సామర్థ్యం పెంపు
రైతులకు అదనపు విద్యుత్‌ సరఫరా.. ట్రాన్స్‌ఫార్మర్ల మార్పిడికి ప్రత్యేక ఏర్పాట్లు
తెలంగాణ డిజిటల్‌ మీడియా యూనియన్‌ ప్రతినిధులతో ఎన్‌పీడీసీఎల్‌ సీఎండీ కర్నాటి వరుణ్‌రెడ్డి చిట్‌చాట్‌
ఎల్‌నినో ప్రభావంతో విద్యుత్‌ వినియోగం అసాధారణంగా పెరుగుతున్న నేపథ్యంలో, పెరిగిన డిమాండ్‌ను ఎదుర్కొనేందుకు విద్యుత్‌ శాఖ ముందస్తు చర్యలు చేపట్టింది. ప్రజలకు, రైతులకు నాణ్యమైన, నిరంతరాయ విద్యుత్‌ సరఫరా అందించేందుకు పంపిణీ వ్యవస్థను బలోపేతం చేస్తోంది. అవసరమైన ప్రాంతాల్లో ట్రాన్స్‌ఫార్మర్ల సామర్థ్యం పెంపు, కొత్త విద్యుత్‌ లైన్ల ఏర్పాటు, రైతులకు అదనపు విద్యుత్‌ సరఫరా, దెబ్బతిన్న ట్రాన్స్‌ఫార్మర్లను సత్వరమే మార్చేందుకు ప్రత్యేక ఏర్పాట్లు చేసినట్లు ఉత్తర తెలంగాణ విద్యుత్‌ పంపిణీ సంస్థ (ఎన్‌పీడీసీఎల్‌) సీఎండీ కర్నాటి వరుణ్‌రెడ్డి తెలిపారు. తెలంగాణ డిజిటల్‌ మీడియా యూనియన్‌ ప్రతినిధులతో బుధవారం నిర్వహించిన చిట్‌చాట్‌లో ‘ఎల్‌నినో ప్రభావం–విద్యుత్‌ సరఫరాలోని సవాళ్లు’ అనే అంశంపై ఆయన మాట్లాడారు.
అసాధారణంగా పెరిగిన విద్యుత్‌ డిమాండ్‌
ఉష్ణోగ్రతలు పెరగడం, ఉక్కపోత, వర్షాభావ పరిస్థితుల కారణంగా గృహ, వాణిజ్య, వ్యవసాయ రంగాల్లో విద్యుత్‌ వినియోగం గణనీయంగా పెరిగిందని వరుణ్‌రెడ్డి వివరించారు. ఏసీలు, కూలర్ల వినియోగం పెరగడంతోపాటు భూగర్భ జలాలు తగ్గడంతో వ్యవసాయ పంపుసెట్ల వినియోగం అధికమైందన్నారు. గోదావరి, కృష్ణా బేసిన్లలో నీటిని ఎత్తిపోసే సాగునీటి పథకాల నిర్వహణ కూడా విద్యుత్‌ డిమాండ్‌పై ప్రభావం చూపుతోందని తెలిపారు.
సాధారణంగా ఏటా విద్యుత్‌ డిమాండ్‌ 7 నుంచి 10 శాతం పెరుగుతుండగా, ఈసారి అసాధారణ పెరుగుదల నమోదవుతోందన్నారు. ఎన్‌పీడీసీఎల్‌ పరిధిలో గత ఏడాది అక్టోబరులో గరిష్ఠ డిమాండ్‌ 3,762 మెగావాట్లుగా ఉండగా, ఈ ఏడాది అదే నెలలో 6,700 మెగావాట్లకు చేరిందని చెప్పారు. గత నెలలో దాదాపు 7,000 మెగావాట్ల గరిష్ఠ డిమాండ్‌ నమోదైందని వివరించారు. రాష్ట్రవ్యాప్తంగా ఈ ఏడాది మార్చిలో 18,548 మెగావాట్ల గరిష్ఠ డిమాండ్‌ నమోదవగా, అక్టోబరులోనే 20,018 మెగావాట్ల రికార్డు డిమాండ్‌ నమోదైందని పేర్కొన్నారు.
4,500 ట్రాన్స్‌ఫార్మర్లతో సామర్థ్యం పెంపు
పెరుగుతున్న డిమాండ్‌ను తట్టుకునేందుకు వేసవి కార్యాచరణ ప్రణాళికలో భాగంగా సుమారు 4,500 పంపిణీ ట్రాన్స్‌ఫార్మర్లను ఏర్పాటు చేసినట్లు సీఎండీ తెలిపారు. పట్టణాలు, మున్సిపాలిటీలు, గ్రామాల్లోని విద్యుత్‌ ఉపకేంద్రాల్లో పవర్‌ ట్రాన్స్‌ఫార్మర్ల సామర్థ్యాన్ని పెంచడంతోపాటు కొత్త 33 కేవీ, 11 కేవీ విద్యుత్‌ లైన్లను ఏర్పాటు చేశామన్నారు. వచ్చే ఫిబ్రవరి నుంచి ఉష్ణోగ్రతలు పెరిగే అవకాశాన్ని దృష్టిలో పెట్టుకుని అక్టోబరు, నవంబరు నుంచే తదుపరి దశ పనులు చేపట్టినట్లు వెల్లడించారు.
ఎక్కడ విద్యుత్‌ లోడ్‌ పెరిగే అవకాశముందో ముందుగానే గుర్తించి, ట్రాన్స్‌ఫార్మర్ల సామర్థ్యం పెంపు, కొత్త లైన్ల ఏర్పాటు, అవసరమైన చోట భూగర్భ విద్యుత్‌ లైన్ల నిర్మాణానికి చర్యలు తీసుకుంటున్నట్లు చెప్పారు. పవర్‌ ట్రాన్స్‌ఫార్మర్ల కొనుగోలు ప్రక్రియ పూర్తయిందని, సరఫరా ప్రారంభమైందని తెలిపారు. పంపిణీ ట్రాన్స్‌ఫార్మర్ల సరఫరా కొనసాగుతోందని, విద్యుత్‌ లైన్ల పనులకు టెండర్లు ఖరారు చేసినట్లు వివరించారు. పట్టణ, గ్రామీణ ప్రాంతాల్లో అవసరమైన మౌలిక సదుపాయాల పనులను డిసెంబరు చివరి నాటికి లేదా జనవరి మధ్యలోగా పూర్తి చేయాలని లక్ష్యంగా పెట్టుకున్నట్లు పేర్కొన్నారు.
వ్యవసాయ విద్యుత్‌పై ప్రత్యేక దృష్టి
వ్యవసాయ రంగంలో విద్యుత్‌ వినియోగం కూడా భారీగా పెరిగిందని వరుణ్‌రెడ్డి తెలిపారు. కొన్ని విద్యుత్‌ ఉపకేంద్రాల పరిధిలో గత ఏడాదితో పోలిస్తే డిమాండ్‌ 70 నుంచి 80 శాతం వరకు పెరగ్గా, మరికొన్ని ప్రాంతాల్లో 40 నుంచి 50 శాతం వృద్ధి నమోదైందన్నారు. ఈ పరిస్థితిని ముందుగానే అంచనా వేసి ఏప్రిల్‌, మే, జూన్‌ నెలల్లోనే పొలాల్లో విద్యుత్‌ లైన్ల ఏర్పాటు, పంపిణీ ట్రాన్స్‌ఫార్మర్ల సామర్థ్యం పెంపు వంటి పనులు చేపట్టినట్లు చెప్పారు.
రైతులకు నిరంతరాయంగా విద్యుత్‌ అందించేందుకు అన్ని జిల్లాల్లో మూడు నెలలకు సరిపడా పంపిణీ ట్రాన్స్‌ఫార్మర్ల నిల్వలు సిద్ధంగా ఉంచామని తెలిపారు. ట్రాన్స్‌ఫార్మర్లు దెబ్బతిన్నప్పుడు వెంటనే స్పందించేందుకు అదనంగా సుమారు 40 వాహనాలను అందుబాటులోకి తీసుకొచ్చినట్లు వెల్లడించారు. దెబ్బతిన్న ట్రాన్స్‌ఫార్మర్ల స్థానంలో కొత్త వాటిని ఏర్పాటు చేసి, పాడైన వాటిని మరమ్మతులకు తరలిస్తున్నామని, సాధ్యమైనంత వరకు 24 గంటల్లోనే మార్పిడి పూర్తి చేస్తున్నామని వివరించారు.
రైతులకు అదనపు విద్యుత్‌ సరఫరా
వరి పంటలకు నీటి అవసరాలను దృష్టిలో పెట్టుకుని విద్యుత్‌ శాఖ, వ్యవసాయ శాఖ సంయుక్తంగా ప్రత్యేక ప్రణాళిక రూపొందించాయని సీఎండీ తెలిపారు. రానున్న 15, 30, 45, 60 రోజుల్లో పంట కోతకు వచ్చే ప్రాంతాలను గుర్తించి, నవంబరు చివరి వరకు అవసరాలకు అనుగుణంగా విద్యుత్‌ సరఫరా ప్రణాళిక సిద్ధం చేసినట్లు చెప్పారు.
పంట కోతకు మరో 15 నుంచి 20 రోజుల సమయం ఉన్న ప్రాంతాల్లో వరికి నీటి అవసరం అధికంగా ఉంటుందని గుర్తించి, ఆయా మండలాల్లో రాత్రి వేళల్లో అదనపు విద్యుత్‌ అందిస్తున్నట్లు వివరించారు. రాత్రి 10 గంటల నుంచి ఒంటి గంట వరకు ఒక విడతగా, ఒంటి గంట నుంచి తెల్లవారుజామున 4 గంటల వరకు మరో విడతగా అదనపు సరఫరా చేస్తున్నామని తెలిపారు. రైతులతో చర్చించి, వ్యవసాయ శాఖ అధికారులతో సమన్వయం చేసుకున్న తర్వాతే ఈ నిర్ణయం తీసుకున్నట్లు చెప్పారు.
విద్యుత్‌ అధికారులు ఉదయం ఆరు గంటలకంటే ముందే ఉపకేంద్రాలు, క్షేత్రస్థాయిలో అందుబాటులో ఉంటూ రైతులతో మాట్లాడుతున్నారని తెలిపారు. తక్కువ వోల్టేజీ సమస్యలు తలెత్తితే ప్రసార విద్యుత్‌ సంస్థ అధికారులతో సమన్వయం చేసుకుని పరిష్కరిస్తున్నట్లు వెల్లడించారు.
ట్రాన్స్‌ఫార్మర్లపై అధిక భారం పడకుండా చర్యలు
ట్రాన్స్‌ఫార్మర్ల సామర్థ్యానికి మించి మోటార్లు ఏర్పాటు చేయడం కూడా వైఫల్యాలకు కారణమవుతోందని వరుణ్‌రెడ్డి పేర్కొన్నారు. చెరువులు, కాలువల నుంచి నీటిని తోడేందుకు అదనపు మోటార్లు ఏర్పాటు చేయడం, బోరుబావులకు మరిన్ని మోటార్లు అమర్చడం, పాత బావులను తిరిగి వినియోగంలోకి తీసుకురావడం వల్ల విద్యుత్‌ భారం పెరుగుతోందన్నారు.
ఇలాంటి ప్రాంతాలను గుర్తించి అవసరమైన చోట ట్రాన్స్‌ఫార్మర్ల సామర్థ్యాన్ని పెంచుతున్నామని చెప్పారు. తక్కువ వోల్టేజీ సమస్యల పరిష్కారానికి పవర్‌ ట్రాన్స్‌ఫార్మర్ల ట్యాప్స్‌ సర్దుబాటు చేయడం, కెపాసిటర్‌ బ్యాంకులు ఏర్పాటు చేయడం, అదనపు ట్రాన్స్‌ఫార్మర్లను అమర్చడం వంటి చర్యలు చేపడుతున్నట్లు వివరించారు.
ఆరుతడి పంటల సాగుపై అవగాహన అవసరం
నీటి లభ్యతను దృష్టిలో పెట్టుకుని రైతులు పంటల ఎంపికపై ప్రత్యేక శ్రద్ధ చూపాలని సీఎండీ సూచించారు. వరి వంటి అధిక నీటి అవసరమున్న పంటలతోపాటు, సాధ్యమైన చోట ఆరుతడి పంటలను సాగు చేయడం ప్రయోజనకరంగా ఉంటుందని అభిప్రాయపడ్డారు. దీనివల్ల భూగర్భ జలాలు మరింతగా అడుగంటకుండా కాపాడుకునే అవకాశం ఉంటుందని తెలిపారు.
ఎల్‌నినో ప్రభావంతో విద్యుత్‌ సరఫరా నిర్వహణలో సవాళ్లు ఎదురవుతున్నప్పటికీ, వాటిని అధిగమించేందుకు విద్యుత్‌ శాఖ పూర్తిస్థాయిలో సన్నద్ధంగా ఉందని వరుణ్‌రెడ్డి స్పష్టం చేశారు. పెరుగుతున్న డిమాండ్‌కు అనుగుణంగా మౌలిక సదుపాయాలను బలోపేతం చేయడంతోపాటు, ట్రాన్స్‌ఫార్మర్ల నిల్వలు, అదనపు విద్యుత్‌ సరఫరా, రైతులతో సమన్వయం వంటి చర్యలు కొనసాగిస్తున్నామని తెలిపారు. ప్రజలు, రైతులు విద్యుత్‌ వినియోగం, నీటి పొదుపుపై అవగాహన పెంచుకోవాలని సూచించారు. క్షేత్రస్థాయిలో అధికారులు, ఉద్యోగులు నిరంతరం శ్రమిస్తూ ప్రజలకు నాణ్యమైన, నిరంతరాయ విద్యుత్‌ అందించేందుకు కృషి చేస్తున్నారని పేర్కొన్నారు.
పెరిగిన డిమాండ్‌కు అనుగుణంగా ట్రాన్స్‌ఫార్మర్లు, విద్యుత్‌ లైన్ల సామర్థ్యం పెంపు
రైతులకు అదనపు విద్యుత్‌ సరఫరా.. ట్రాన్స్‌ఫార్మర్ల మార్పిడికి ప్రత్యేక ఏర్పాట్లు
తెలంగాణ డిజిటల్‌ మీడియా యూనియన్‌ ప్రతినిధులతో ఎన్‌పీడీసీఎల్‌ సీఎండీ కర్నాటి వరుణ్‌రెడ్డి చిట్‌చాట్‌
ఎల్‌నినో ప్రభావంతో విద్యుత్‌ వినియోగం అసాధారణంగా పెరుగుతున్న నేపథ్యంలో, పెరిగిన డిమాండ్‌ను ఎదుర్కొనేందుకు విద్యుత్‌ శాఖ ముందస్తు చర్యలు చేపట్టింది. ప్రజలకు, రైతులకు నాణ్యమైన, నిరంతరాయ విద్యుత్‌ సరఫరా అందించేందుకు పంపిణీ వ్యవస్థను బలోపేతం చేస్తోంది. అవసరమైన ప్రాంతాల్లో ట్రాన్స్‌ఫార్మర్ల సామర్థ్యం పెంపు, కొత్త విద్యుత్‌ లైన్ల ఏర్పాటు, రైతులకు అదనపు విద్యుత్‌ సరఫరా, దెబ్బతిన్న ట్రాన్స్‌ఫార్మర్లను సత్వరమే మార్చేందుకు ప్రత్యేక ఏర్పాట్లు చేసినట్లు ఉత్తర తెలంగాణ విద్యుత్‌ పంపిణీ సంస్థ (ఎన్‌పీడీసీఎల్‌) సీఎండీ కర్నాటి వరుణ్‌రెడ్డి తెలిపారు. తెలంగాణ డిజిటల్‌ మీడియా యూనియన్‌ ప్రతినిధులతో బుధవారం నిర్వహించిన చిట్‌చాట్‌లో ‘ఎల్‌నినో ప్రభావం–విద్యుత్‌ సరఫరాలోని సవాళ్లు’ అనే అంశంపై ఆయన మాట్లాడారు.
అసాధారణంగా పెరిగిన విద్యుత్‌ డిమాండ్‌
ఉష్ణోగ్రతలు పెరగడం, ఉక్కపోత, వర్షాభావ పరిస్థితుల కారణంగా గృహ, వాణిజ్య, వ్యవసాయ రంగాల్లో విద్యుత్‌ వినియోగం గణనీయంగా పెరిగిందని వరుణ్‌రెడ్డి వివరించారు. ఏసీలు, కూలర్ల వినియోగం పెరగడంతోపాటు భూగర్భ జలాలు తగ్గడంతో వ్యవసాయ పంపుసెట్ల వినియోగం అధికమైందన్నారు. గోదావరి, కృష్ణా బేసిన్లలో నీటిని ఎత్తిపోసే సాగునీటి పథకాల నిర్వహణ కూడా విద్యుత్‌ డిమాండ్‌పై ప్రభావం చూపుతోందని తెలిపారు.
సాధారణంగా ఏటా విద్యుత్‌ డిమాండ్‌ 7 నుంచి 10 శాతం పెరుగుతుండగా, ఈసారి అసాధారణ పెరుగుదల నమోదవుతోందన్నారు. ఎన్‌పీడీసీఎల్‌ పరిధిలో గత ఏడాది అక్టోబరులో గరిష్ఠ డిమాండ్‌ 3,762 మెగావాట్లుగా ఉండగా, ఈ ఏడాది అదే నెలలో 6,700 మెగావాట్లకు చేరిందని చెప్పారు. గత నెలలో దాదాపు 7,000 మెగావాట్ల గరిష్ఠ డిమాండ్‌ నమోదైందని వివరించారు. రాష్ట్రవ్యాప్తంగా ఈ ఏడాది మార్చిలో 18,548 మెగావాట్ల గరిష్ఠ డిమాండ్‌ నమోదవగా, అక్టోబరులోనే 20,018 మెగావాట్ల రికార్డు డిమాండ్‌ నమోదైందని పేర్కొన్నారు.
4,500 ట్రాన్స్‌ఫార్మర్లతో సామర్థ్యం పెంపు
పెరుగుతున్న డిమాండ్‌ను తట్టుకునేందుకు వేసవి కార్యాచరణ ప్రణాళికలో భాగంగా సుమారు 4,500 పంపిణీ ట్రాన్స్‌ఫార్మర్లను ఏర్పాటు చేసినట్లు సీఎండీ తెలిపారు. పట్టణాలు, మున్సిపాలిటీలు, గ్రామాల్లోని విద్యుత్‌ ఉపకేంద్రాల్లో పవర్‌ ట్రాన్స్‌ఫార్మర్ల సామర్థ్యాన్ని పెంచడంతోపాటు కొత్త 33 కేవీ, 11 కేవీ విద్యుత్‌ లైన్లను ఏర్పాటు చేశామన్నారు. వచ్చే ఫిబ్రవరి నుంచి ఉష్ణోగ్రతలు పెరిగే అవకాశాన్ని దృష్టిలో పెట్టుకుని అక్టోబరు, నవంబరు నుంచే తదుపరి దశ పనులు చేపట్టినట్లు వెల్లడించారు.
ఎక్కడ విద్యుత్‌ లోడ్‌ పెరిగే అవకాశముందో ముందుగానే గుర్తించి, ట్రాన్స్‌ఫార్మర్ల సామర్థ్యం పెంపు, కొత్త లైన్ల ఏర్పాటు, అవసరమైన చోట భూగర్భ విద్యుత్‌ లైన్ల నిర్మాణానికి చర్యలు తీసుకుంటున్నట్లు చెప్పారు. పవర్‌ ట్రాన్స్‌ఫార్మర్ల కొనుగోలు ప్రక్రియ పూర్తయిందని, సరఫరా ప్రారంభమైందని తెలిపారు. పంపిణీ ట్రాన్స్‌ఫార్మర్ల సరఫరా కొనసాగుతోందని, విద్యుత్‌ లైన్ల పనులకు టెండర్లు ఖరారు చేసినట్లు వివరించారు. పట్టణ, గ్రామీణ ప్రాంతాల్లో అవసరమైన మౌలిక సదుపాయాల పనులను డిసెంబరు చివరి నాటికి లేదా జనవరి మధ్యలోగా పూర్తి చేయాలని లక్ష్యంగా పెట్టుకున్నట్లు పేర్కొన్నారు.
వ్యవసాయ విద్యుత్‌పై ప్రత్యేక దృష్టి
వ్యవసాయ రంగంలో విద్యుత్‌ వినియోగం కూడా భారీగా పెరిగిందని వరుణ్‌రెడ్డి తెలిపారు. కొన్ని విద్యుత్‌ ఉపకేంద్రాల పరిధిలో గత ఏడాదితో పోలిస్తే డిమాండ్‌ 70 నుంచి 80 శాతం వరకు పెరగ్గా, మరికొన్ని ప్రాంతాల్లో 40 నుంచి 50 శాతం వృద్ధి నమోదైందన్నారు. ఈ పరిస్థితిని ముందుగానే అంచనా వేసి ఏప్రిల్‌, మే, జూన్‌ నెలల్లోనే పొలాల్లో విద్యుత్‌ లైన్ల ఏర్పాటు, పంపిణీ ట్రాన్స్‌ఫార్మర్ల సామర్థ్యం పెంపు వంటి పనులు చేపట్టినట్లు చెప్పారు.
రైతులకు నిరంతరాయంగా విద్యుత్‌ అందించేందుకు అన్ని జిల్లాల్లో మూడు నెలలకు సరిపడా పంపిణీ ట్రాన్స్‌ఫార్మర్ల నిల్వలు సిద్ధంగా ఉంచామని తెలిపారు. ట్రాన్స్‌ఫార్మర్లు దెబ్బతిన్నప్పుడు వెంటనే స్పందించేందుకు అదనంగా సుమారు 40 వాహనాలను అందుబాటులోకి తీసుకొచ్చినట్లు వెల్లడించారు. దెబ్బతిన్న ట్రాన్స్‌ఫార్మర్ల స్థానంలో కొత్త వాటిని ఏర్పాటు చేసి, పాడైన వాటిని మరమ్మతులకు తరలిస్తున్నామని, సాధ్యమైనంత వరకు 24 గంటల్లోనే మార్పిడి పూర్తి చేస్తున్నామని వివరించారు.
రైతులకు అదనపు విద్యుత్‌ సరఫరా
వరి పంటలకు నీటి అవసరాలను దృష్టిలో పెట్టుకుని విద్యుత్‌ శాఖ, వ్యవసాయ శాఖ సంయుక్తంగా ప్రత్యేక ప్రణాళిక రూపొందించాయని సీఎండీ తెలిపారు. రానున్న 15, 30, 45, 60 రోజుల్లో పంట కోతకు వచ్చే ప్రాంతాలను గుర్తించి, నవంబరు చివరి వరకు అవసరాలకు అనుగుణంగా విద్యుత్‌ సరఫరా ప్రణాళిక సిద్ధం చేసినట్లు చెప్పారు.
పంట కోతకు మరో 15 నుంచి 20 రోజుల సమయం ఉన్న ప్రాంతాల్లో వరికి నీటి అవసరం అధికంగా ఉంటుందని గుర్తించి, ఆయా మండలాల్లో రాత్రి వేళల్లో అదనపు విద్యుత్‌ అందిస్తున్నట్లు వివరించారు. రాత్రి 10 గంటల నుంచి ఒంటి గంట వరకు ఒక విడతగా, ఒంటి గంట నుంచి తెల్లవారుజామున 4 గంటల వరకు మరో విడతగా అదనపు సరఫరా చేస్తున్నామని తెలిపారు. రైతులతో చర్చించి, వ్యవసాయ శాఖ అధికారులతో సమన్వయం చేసుకున్న తర్వాతే ఈ నిర్ణయం తీసుకున్నట్లు చెప్పారు.
విద్యుత్‌ అధికారులు ఉదయం ఆరు గంటలకంటే ముందే ఉపకేంద్రాలు, క్షేత్రస్థాయిలో అందుబాటులో ఉంటూ రైతులతో మాట్లాడుతున్నారని తెలిపారు. తక్కువ వోల్టేజీ సమస్యలు తలెత్తితే ప్రసార విద్యుత్‌ సంస్థ అధికారులతో సమన్వయం చేసుకుని పరిష్కరిస్తున్నట్లు వెల్లడించారు.
ట్రాన్స్‌ఫార్మర్లపై అధిక భారం పడకుండా చర్యలు
ట్రాన్స్‌ఫార్మర్ల సామర్థ్యానికి మించి మోటార్లు ఏర్పాటు చేయడం కూడా వైఫల్యాలకు కారణమవుతోందని వరుణ్‌రెడ్డి పేర్కొన్నారు. చెరువులు, కాలువల నుంచి నీటిని తోడేందుకు అదనపు మోటార్లు ఏర్పాటు చేయడం, బోరుబావులకు మరిన్ని మోటార్లు అమర్చడం, పాత బావులను తిరిగి వినియోగంలోకి తీసుకురావడం వల్ల విద్యుత్‌ భారం పెరుగుతోందన్నారు.
ఇలాంటి ప్రాంతాలను గుర్తించి అవసరమైన చోట ట్రాన్స్‌ఫార్మర్ల సామర్థ్యాన్ని పెంచుతున్నామని చెప్పారు. తక్కువ వోల్టేజీ సమస్యల పరిష్కారానికి పవర్‌ ట్రాన్స్‌ఫార్మర్ల ట్యాప్స్‌ సర్దుబాటు చేయడం, కెపాసిటర్‌ బ్యాంకులు ఏర్పాటు చేయడం, అదనపు ట్రాన్స్‌ఫార్మర్లను అమర్చడం వంటి చర్యలు చేపడుతున్నట్లు వివరించారు.
ఆరుతడి పంటల సాగుపై అవగాహన అవసరం
నీటి లభ్యతను దృష్టిలో పెట్టుకుని రైతులు పంటల ఎంపికపై ప్రత్యేక శ్రద్ధ చూపాలని సీఎండీ సూచించారు. వరి వంటి అధిక నీటి అవసరమున్న పంటలతోపాటు, సాధ్యమైన చోట ఆరుతడి పంటలను సాగు చేయడం ప్రయోజనకరంగా ఉంటుందని అభిప్రాయపడ్డారు. దీనివల్ల భూగర్భ జలాలు మరింతగా అడుగంటకుండా కాపాడుకునే అవకాశం ఉంటుందని తెలిపారు.
ఎల్‌నినో ప్రభావంతో విద్యుత్‌ సరఫరా నిర్వహణలో సవాళ్లు ఎదురవుతున్నప్పటికీ, వాటిని అధిగమించేందుకు విద్యుత్‌ శాఖ పూర్తిస్థాయిలో సన్నద్ధంగా ఉందని వరుణ్‌రెడ్డి స్పష్టం చేశారు. పెరుగుతున్న డిమాండ్‌కు అనుగుణంగా మౌలిక సదుపాయాలను బలోపేతం చేయడంతోపాటు, ట్రాన్స్‌ఫార్మర్ల నిల్వలు, అదనపు విద్యుత్‌ సరఫరా, రైతులతో సమన్వయం వంటి చర్యలు కొనసాగిస్తున్నామని తెలిపారు. ప్రజలు, రైతులు విద్యుత్‌ వినియోగం, నీటి పొదుపుపై అవగాహన పెంచుకోవాలని సూచించారు. క్షేత్రస్థాయిలో అధికారులు, ఉద్యోగులు నిరంతరం శ్రమిస్తూ ప్రజలకు నాణ్యమైన, నిరంతరాయ విద్యుత్‌ అందించేందుకు కృషి చేస్తున్నారని పేర్కొన్నారు.